2021 Հուն 27, Չորեքշաբթի
Մոր և մանկան առողջության պահպանման գիտահետազոտական կենտրոնի (Մարգարյան ծննդատուն) ողջ անձնակազմը շնորհավորում է տնօրեն, պրոֆեսոր Գեորգի Գրիգորիի Օկոևին` ծննդյան տարեդարձի առթիվ:
Պրոֆեսոր Օկոևի երկարատև մասնագիտական գործունեության շնորհիվ բազմաթիվ հայ ընտանիքներում լսվել է մանկան ճիչ` երջանկություն պարգևելով ծնողներին ու հարազատներին: Նրա կողմից կատարված բազում գինեկոլոգիական վիրահատությունների շնորհիվ տարբեր տարիքի շատ կանայք բարելավել են իրենց առողջական վիճակը:
Լինելով առաջադեմ և գիտության մեջ ամեն նորի ջատագով, պրոֆեսոր Գեորգի Օկոևը առաջինն էր, որ Հայաստանում կիրառեց արտամարմնային բեղմնավորման (ԷԿՈ) մեթոդը, որի շնորհիվ բազմաթիվ անպտուղ զույգեր զգացին ծնող լինելու բերկրանքը:
Պրոֆեսոր Գեորգի Օկոևը տարիներ շարունակ լինելով Մ.Հերացու անվ. պետական բժշկական համալսարանի հետբուհական և շարունակական կրթության ֆակուլտետի մանկաբարձության և գինեկոլոգիայի ամբիոնի վարիչ, մեծ ավանդ ունի ծննդօգնության ոլորտում գրագետ և բանիմաց մասնագետների պատրաստման գործում:
Ծավալելով հասարակական ակտիվ գործունեություն, հնարավորինս մեթոդական և մասնագիտական օգնություն ցուցաբերելով իր գործընկերներին՝ պրոֆեսոր Օկոևը արժանացել է պացիենտների, բուժանձնակազմի, նաև հանրապետության բժշկական հանրության սիրուն և հարգանքին:
Ուստի միանալով բազմաթիվ շնորհավորանքներին՝ մաղթում ենք քաջ առողջություն, երջանկություն` իր մեծ ու համերաշխ ընտանիքի հետ միասին, երկար տարիների բեղմնավոր գործունեություն` ի օգուտ մեր ժողովրդին:
Եվ թո՛ղ Աստված լինի պահապան:
Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......
Կարդալ ավելին»Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......
Կարդալ ավելին»Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...
Կարդալ ավելին»